الثلاثاء، ٤ سبتمبر ٢٠٠٧

شكرا

السلام عليكم

احب ان ابدا اول مشاركة لى فى مدونتى بعد خروجى من السجن (حيث قضيت خمسة اشهر) ان أبدأها بالشكر عملا بما ورد فى الحديث الشريف"من لم يشكر الناس لم يشكر الله"

فالحمد لله اولا ان اكرمنا بفضله و رزقنى الحرية

الحمد لله الذى عرف ضعفى و قصرلى فى البلاء و رحمنى بفضله و رعايته فالحمد لله و الشكر لكل من كان بجانبى و ابدأ بأهلى (ابى و امى و اختى و زوجها) اللذين لهثوا ورائى فى السجن ملبين احتياجاتى و مراعين لشئونى, فتقبله الله منهم.

و اثنى بخطيبتى التى رأت معى تجربة قاسية و لكنها تحملتها, فاشكرها و اشكر اسرتها الكريمة اللذين امدونى بمعنويات مرتفعة طوال تلك الفترة.

و اشكر المدونون والصحفيون اللذين ساندونى بالكلمة و عرفوا الناس بى و بقضيتى فلهم كل الشكر, و اذكر منهم , عبد المنعم محمود (انا اخوان) و اسلام لطفى (الكواكبى)(الذى كان له الفضل فى انشاء هذه المدونة) و سامح البرقى (برقيات) و وليد السيد (دقات) و مجدى سعد (يللا مش مهم) و ايمان عبد المنعم (قلم(الم) وطن) و باسم الشربينى (عمر افندى) و براء بهجت (شاب مصرى) و اصدقائى هانى محمود و احمد زين و احمد سمير من جريدة الدستور , و د/شيرين ابو النجا من جريدة المصرى اليوم و غيرهم

و اشكر المحامون اللذين حضروا معى فى النيابة و المحكمة الاساتذة عبد المنعم عبد المقصود, مصطفى الدميرى, محمد عبد الحافظ, محمد طوسون, و مصطفى الشورى, و سيد جاد (صاحب اخر مرافعة عنى و كانت السبب فى اخلاء سبيلى ) و احمد ابو بركة عضو مجلس الشعب و غيرهم

و اشكر اخوانى فى الله اللذين لم يقصروا فى حق الاخوة , بكل اشكالها المعنوية و المادية و هؤلاء اكثر من الحصر, فجزاهم الله خيرا

و فى الختام اعرف ان قراءة كلمات الشكر مملة و تذكركم ببرنامج مايطلبه المستمعون و لكنها عندى امر عظيم فكل من ذكرت لهم حق على و دين فى رقبتى و شكرهم هو اقل و اول درجات رد الفضل و الجميل لاهله

و عقبال ما نخدم فى الافراح مش فى السجن

هناك ٥ تعليقات:

عمر أفندى و أبووه يقول...

فصاص

اخيرا نطقت..اخيرا دونت...اخيرا حسستنى انك لسه فاكر اسمى ...يا راجل دا انتا و انتا فى السجن كنت بتكلم معاك و بتوصلنى عنك اخبار اكتر من دلوقتى ...انا زعلان منك و على الملاْ بقولهالك اهوه....

يعنى ببعتلك خمسميت رسالة ولا رديت على اى منها و حاولت اكلمك فى التليفون اكثر من مرة ولا بترد ...انا اسف انى بتخانق مع قصاص قدامكم يا قراء بس فاض بيا الكيل...

مستنى تليفونك يا عم الحاج بدل ما اوصى عليك عمر افندى يقف لك على باب المدونة ولا يخرج لا تخش ولا تخرج و انا عارفك محترف انترنت...

نهاية اشكرك انا و اعترف بانى كل الناس اللى انتا شكرتهم دول و انا على راسهم مقصرين فى حقك...و اكيد كنا نتمنى نعمل اكتر من كده الف مرة و اذاكنت شايف ان حبستك دى كانت سبب فى دخولك عامل التدوين فا كانت سبب فى دخولى انا كمان نفس المدعوق اللى اسمه عالم التدوين ده انا كمان ...

راجع اول تدوينة كتبتها فى حياتى
قصاص

غير معرف يقول...

الاستاذ قصاص العظيم لاتتخيل سعادة الانسان وهوه بيشوفك بتدون بنفسك حمد الله على السلامه للمرة الالف وربنا يبارك فيك اتمنى اشوف مواضيع كتير فى الفتره اللى جايه حاتم ثابت

البرقي يقول...

عالم التدوين منور يا قصاص
عاوزينك تكمل
بالنسبة للأخ باسم
الخمسميت رسالة واتصال دول كانوا علي تليفوني انا مش تليفون قصاص
يعني انا اللي باكون نايم ومش بالحق ارد عليك مش قصاص
تعيش وتاخد غيرها

ahmed mefrh يقول...

حمد الله ع السلامه
تقبل الله منكم

أمين المكتبة يقول...

اهلا بيك عالأسفلت يا قصاص