الأحد، ٢٤ يونيو ٢٠٠٧

حسبنا الله و نعم الوكيل..نعم المولى..و نعم النصير

السلام عليكم



كنت فاكرة ان انا اخدت الاجازة و هابقى فاضية و اكتب اول بأول بس الحمد لله طلعت الاجازة ازحم من الدراسة
مشاريع .. تسليمات .. مناقشات .. كورسات
و الله اعلم ممكن يكون فيه ايه تانى
الله المستعان


المهم

هى بس شوية اخبار و صراحة مفيهاش خبر عدل .. فنسألكم الدعاء


اول خبر
كان خبر الازمة الصحية لاستاذى د/ عصام حشيش شفاه الله و عافاه
لكن الخبر اللى يمكن يكون كويس شويه هو ان انا عرفت دلوقتى انه عمل العملية الحمد لله و اعتقد انه افضل حالا دلوقتى
ربنا يتم شفائه إن شاء الله و يديم عليه نعمة الصحة و يفرج سجنه
اااااااااااااامين



الخبر التانى
هو ان د/ محمد سعد كمان اصيب بازمة قلبية يوم الخميس و تم نقله إلى مستشفى القصر العينى
و الحمد لله الحالة استقرت دلوقتى و مطلوب له عملية اسطرة و قرروا انه يفضل فى المستشفى لحد ما يعنل العملية ان شاء الله
نسألكم الدعاء له بالشفاء و ان ربنا يفرج عنه الكرب بإذن الله



الخبر التالت و الاخير
هو ان العرض كان امبارح.... هو انا كنت كتباه بالغلط يوم 26 بس هو كان 23... و كالعادة ....تجديد 15 يوم فالعرض الجاى هيبقى يوم 7/7 إن شاء الله
طبعا د/ محمد سعد عرضه كان متأجل للنهاردة و راحولوا المستشفى بس بردو اتجددله



مش هاوصيكم تانى الدعاااااااء يا جماعة
و جزاكم الله خيرا


اللهم اجعل الم د/ عصام و د/ محمد فى ميزان حسناتهم
و انتقم من الظالمين
امين يا رب العالمين

هناك ٣ تعليقات:

أغنية الحيـــاة يقول...

السلام عليكم ورحمة الله وبركاته ..
معلش يا حبيبتي .. أنا عارفة إن الكلام سهل
بس والله لا أملك غير إني أقولك اصبري واحتسبي
ثم ليس لي بعد ذلك إلا الدعاء
وبجد حسبنا الله ونعم الوكيل في الظالمين المتجبرين
علشان يروحوا للدكتور / محمد المستشفى ويجددولوا
سبحان الله في هذا التجبر
ربنا يفك أسره وأسر الدكتور / عصام ويفك أسر كل المعتقلين ظلما وهتانا
اللهم آمين
وربنا يكرمك يا أخيتي ويعينك على التسليمات والمشاريع والكورسات ، ويباركلك في الوقت إن شاء الله

غير معرف يقول...

حسبنا الله ونعم الوكيل اللهم فك اسر اخى القصاص يارب العالمين وارنا فى الظالمين عجائب قدرتك وانزل بهم سيف انتقامك امين يارب حاتم

shab masry يقول...

انا كنت النهاردة عند الكتور عصام والدكتور محمد سعد والاتنين بفضل الله عزوجل صحتهم جيدة للغاية الان.. ولله الحمد والمنة

واسال الله عزوجل ان يعجل بفرجهم وفرج قصاص باذن الله تعالى