الجمعة، 20 يوليو 2007

رسالة الى خطيبتى

خطيبتى إيمان.......


السلام عليكم و رحمة الله و بركاته

اكتب لك هذا الخطاب بعد ما وصلتنى تدوبنتك التي تحكى فيها عن ليلة 13/3/2007 و التي قلتى عنها انها ليلة لا تنسى, و قد سعدت بها و خاصة انك اول مرة تكتبى تدوينه و علها فاتحة خير عليكى...و لكن لا اخفى عليكى انها ذكرتنى بهذه الليلة القاسية ...لم تكن قاسية على فقط ولا على 17 واحد من الاخوان تم القبض عليهم في هذه الليلة, بل و كانت قاسية على امى و ابى ايضا و ذكرتهم بسبع مرات سابقة اقتحم فيها الامن منزلنا.... و كانت قاسية عليكى انتى ايضا, نعم تحدثت معك في بداية الخطوبة عن احتمال تعرضى لمواقف مشابهة و اعتقال و ما الى ذلك و لكن ام اكن اتوقع أن يحدث ذلك بهذه السرعة و مع بدايات الخطوبة و قدر الله و ما شاء فعل, و هذا جعلنى اكتب لك هذا الخطاب معتذرا لك على ما سببته لك من ألم في هذه الليلة, و معتذر عن اشياء اخرى كثيرة.

آسف لانى اضعت عليكى اجمل فترة في حياة كل فتاة(فترة الخطوبة) و ملأتها لك تنقلا من المحامى للنيابة للسجن, و تحولت فترة الخطوبة من فترة بها مشاعر جميلة إلى فترة مليئة بمشاعر القلق و انتظار الخروج....و تبدل الخروج للكافيتريات كباقى المخطوبين إلى طرقة في السجن, و بدلا من آتى لزيارتك..تأتى انت لزيارتى .
فالألم لم يتوقف على هذه الليلة و فقط بل تبعها ايام وليالى و شهور و الله وحده يعلم متى تنتهى, و لكنى اثق انها ستنتهى قريبا بإذن الله و سيعوضنا الله عن هذه الليالى التي لا تنسى و عن كل الايام و اللحظات الجميلة التي ضاعت.

و قبل أن انهى خطابى, احب أن اقول لك كل سنة و انتى طيبة بمناسبة عيد ميلادك و بردو آسف انى مش هأقدر اكون معاكى, بس اوعدك إن شاء الله إن هيكون عندنا مناسبات سعيدة كتير نحتفل بها سويا و ستأتى أيام و ليالى اخرى لن ننساها و لكن هذه المرة لأنها ستكون ليالى جميلة و سعيدة.

خطيبك/ محمد القصاص
16/7/2007

هناك 6 تعليقات:

saad alshater يقول...

فلتحتسبوا هذا الالم

ولتصبروا فالفرج قريب ان شاء الله

shab masry يقول...

اخي الحبيب قصاص..

اسال الله عزوجل ان يجمعك بخطيبتك في خير حال باذن الله تعالى.. يزول الام ويبقى الاجر باذن الله تعالى..

فقط احتسب وانا اثق فى انك لا تنسى ذلك...

ومستنى تليفونك باذن الله الي بتكلمنى فيه عشان تعزمنى على كتب كتابك لما تخرج من السجن باذن الله:):)

وباذن الله اليوم ده هيكون قريب اوي:)

اخوك..
براء:)

غير معرف يقول...

ربنا يعلم يا إيمان إحساسي بيكي عامت ازاي ,يمكن تكوني فاكرة غير كدهبس ده مش حقيقي... وربنا سبحانه وتعالي عالم بيكي أكتر من أي حد في الدنيا واحتسبي الأجر عند من بيده ملكوت كل شىء
إيمان,كثير ممن هن في مثل سنك يغبطنك علي الثبات الذي رزقكي الله إياه فلتحمدي الله وتذكري دائما أنه وعسي أن تكرهوا شيئا وهو خير لكم وأن مع العسر يسرا وأن الله له حكمة في كل شىء فهو المدبر ولكن ربما لا ندرك هذه الحكمة إلا بعد حين...أحبك من أعماق قلبي

يلا مش مهم يقول...

صاحبي القصاص
والله كلماتك دي غالية قوي
وان شاء الله ربنا هايعوضكم خير عن الفترة دي
وبدعيلك يا صاحبي من كل قلبي ان ربك يقدر لك الخير فان كان في خروجك الان فنعم بها وان كان في غير ذلك فنعم بها
وان شاءالله يا ايمان ربنا هايعوضك خير عن صبرك واحتسابك ويردلك محمد سالم غانم
ويللا مش مهم

عمر افندى و ابوه يقول...

قصاص

لا تتخيل مدى الجرح اللى فى قلبى و انتا قاعد بتقول الكلام ده....انتا من الاشخاص اللى بحسهم بيتظلموا فى صمت ...بس يكفيك حب الناس دى كلها ليك ..و دعواتهم ليكم هو اللى مثبتك و مثبتلك ايمان و مزود الحب فى قلبكم ...كنت لسه بذكرك بالحسنى مع صديق من يومين و بقوله انا فى السودان و فى الغربة و راكب عربيتى انا و مراتى و بنسمع شريط صوت الحرية 2 (اسطورة جنين)و اشتغلت اغنية صباح الخير يا بلادى و بقول لمراتى انا قصاص وحشنى قوى ...كان بيحسسنا ان ميس شلش دى بنته منكتر حبه للاغنية دى و للشريط ده ...فا انشالله صباح الخير هيعم على بلادى قريب و انشالله هتخرج لايمان قريب جدا ....

يمكن لما جيت اسلم عليك مقدرتش امسك نفسى من البكاء و بعدت علشان مامتك و خطيبتك كانوا موجدين بس قد ايه هما اقوى منى قد ايه خطيبتك اللى مفاتشى على خطوبتها شهر ربنا جعلها خمس شهور دلوقتى هيتحفروا فى ذاكرة حياتها و هيتحكوا لاحفاد احفادها ان انا و باباكم خطوبتنا كانت غير عادية علشان باباكم شخص غير عادى بجد...

ربنا يكرمك و يثبتك و يصبرك على ما ابتلاك

ربنا يهون عليكى و كل سنة و انتى طيبة يا ايمان

الكواكبي يقول...

يا قصاص يا صاحبي بص لنصف الزير المليان
انت نعم ايمان هي اللي بتيجي لك بس ده اوفر لك لأن البنزين زي ما انت عارف بقى غالي والأوكتان 90 بقى مغشوش وهاتضطر تحط 92 وده ما يرضيش ربنا ان الأسكوتر الأحمر بتاعك ده يتمون ببنزين 92
ثانياً ما هي بتيجي لك السجن وبتصرفوا مشاريب بالبونات ولا هي عنطزة يا عم انت؟!! على الأقل في السجن مش هاتلاقي حد رخم بيقول لك الترابيزة محجوزة يا أستاذ
ثالثاً: الدباديب . . ربنا رحمك من موضوع الدباديب لأن الدباديب مدخل من مداخل الانهيار العصبي ,اول ما الدبدوب الأولاني بيشرف بتنهال أسراب الدباديب والأرانب والقرود في بعض الأحيان لحد انك ممكن ما تلاقيش مكان تنام فيه

بص من الآخر؛ اقنع نفسك انك كده حلو بدل ما تتعب نفسك وتتعب قلبنا معاك

الله يخرب بيتك يا حسني انت وشوية الكلاب اللي معاك